Teji se Bada Banana Hai to Iss Saal ye 11 Kam Jarur Kare

Teji se Bada Banana Hai to ye 11 kam jarur kareYe saal hum kuch aisa khas karenge ki ye saal jindgi ka sabse behetarin saal ho jaye. Sathiyo hum logo ko cumgator nahi banana hai, hame gogator banana hai. Iss sal Personal life me, social life me, Professional life me hame aise aise chote chote kam karna hai jinke bade bade parinam ho aur naya saal jingadi ka sabse khas saal ho jaye. Mai aj apse kuch aise wade share kar ne ja raha hu jo iss sal ko apke jindagi ka sabse shandar saal bana denge. Koshish karna jada se jada wade pure kare.

Vada number 1: Iss saal kisi ek dushman ko maaf kar dijiye

Dosto agar kisi dost se apka zagada hua ho, rishtedar se zagada hua ho, aisa lagata ho ki ab itana samay bit gaya he ab itana mahatvpurn nahi rah gaya ho,iss saal dil ko jara bada kijiye,aur kisi ek dushman ko, kisi ek vyakti jise koi kadvahat hui ho aise kisi ek vyakti ko maf kar dijiye.

Vada number 2: Iss sal apni koi ek galat aadat chhod dijiye

Vo galat aadat apki Smoking, Drinking ho sakti hai. Vo galat aadat bahana banana, kam chori jaise aadate ho sakti hai, vo galat aadat khud se kiye vade ho sakti hai, vo galat aadat subah der tak sona aur rak der tak jagana ho sakti hai. Iss sal koi ek galat aadat chhod dijiye.

Vada number 3: Bachhon ko jabardast quality time dijiye

Ho sakta hai apne jab bhi unko quality time diya ho sath me TV ho, sath me mobile ho, ho sakta he apne bachhon ke sath thoughtwalk hi na ki ho, ho sakta he apko bachhon ke sath vyaktigat samay bitane ka mauka na mila ho. Etihas gavah he jin logo ne bhi bachpan me bachhon ko time nahi diya unhe aage jakar jivan me bahot bahot afsos hua hai. Iss sal me apne bachhon ko jabarsast Quality time dijiye.

Vada number 4: Iss sal apne mata pita ko bada tohfa dijiye

Ho sakta he unka koi tour, pasandida paryatan sthal, ghumane ki jagah bachi ho to unke sath ghum aayiye. Iss sal unke naam se koi bada dan kar dijiye. Iss sal unke man ka koi aisa kam kar dijiye ki unhe apke paida hone pe, apke jaise santan hone pe garv mehesus ho.

Vada number 5: Har manije ek pustak jarur padhiye

Bade bade achievers, bade dhan kuber, bade rajneta, bade samaj sevi apnjivan ki  badi badi ghatanavon ko, apni sari jivanyaatravon ko chand pannon me samete apke samane khade he. Har khadde me khud girne ke jagah, har galti khud karne ke jagah duniya ke mahantam achievers se sikhiye pustakon se achha dost koi nahi ki mai ye kahunga ki halake doston ke sath samay bitane ke jagah, nakaratmak logo ke sath samay bitane ke jagah in achievers ke sath samaj bitayiye. Subah ki chai Narendra Modi ji ke sath pijiye, lunch Steve Jobs ke sath kariye, aur dinner Nelson Mandela ke sath kijiye. Jab aap in logon ko apke jivan ka hissa banayenge to sochiye apka jivan kaha hoga.

Sandeep Maheshwari Motivational Videos

Vada number 6: Prakruti ke saurakshan ke liye pran lijiye

Dosto hamne prakruti ki bahut band bajai. Iss sal kuch to kare. Iss sal kuch paudhe apke naam kyo na ho.Iss sal koshish kariye kahi kahi nalon se pani behe raha ho, kahi westage ho raha ho to apni taraf se totiya lagva dijiye. Agar koi kam apse na ho jaye to koi prakruti premi se koi donation de dijiye. Aj jo ped, paudhe ham dekh rahe hai unhe kisine lagvaya hai isliye hum inhe dekh pa rahe he. Hame sochna hai ki kal ane wale din ko, kel ka hamare bachhon ke liye hum kaisi prakruti dene wale hai. Prakruti ke liye koi kadam uthayiye. Apne bachhon ko ek sunhari prakruti pradhan kare.

Vada number 7: Daan kijiye

Iss sal kisi bachhe ke shiksha ka kharch utha lijiye. Iss sal kisi jaruratmand ko kisi operation ke liye, dava ke liye kuch madad kar dijiye. “Jab aap dusaron ko dene ke liye apni jeb kholate hai na, Uparwala apko dene ke liye apna Dil kholta hai”. Jis kshan tak aap dena shuru nahi karte he na uss kshan tak aap pana shuru nahi karte yahi prakruti ka niyam hai. Jo dega, vo payega. Khud ko bada banayiye. Apne hath ko manganewale ki jagah, denewale ka hath banayiye. Agar aap 10,000 kamate ho to 200 dan kijiye, 1 lakh kamate ho to 2 hajar dan kijiye. Jo bada hota hai use khuda bhi deta hai.

Vada number 8: Apni kisi ek kami ko hara dijiye

Dosto hamare bich kahi kamiya rahati hai. Koi stage par nahi bol sakte, kisi ko English nahi aata, kisi ko Technology nahi aati, kisi ko public me jakar baat karne ka skill nahi hai. Iss sal apni kisi ek aise kami harayiye jiski javah se aap kabhi kabhi kamjor mehesus karte hai. Iss sal apko apke kamiyon ko harana hai. Ye apko tay karna hai dar dar ke jina hai ya lad lad ke jina hai.

Vada number 9: Idiots divas manayiye

Iditos divas ka arth, aise din jab ap apke man ki kare. Chat pe jakar patang udane ka man ho, patang udayiye. Bhari barish me nachane ka man ho, nach lijiye. Bachhon jaisa khelane ka man ho, khel lijiye. Aise idiots din manayiye jisase apke andar ka bachha jinda ho jaye. Vo kam kar ke dekhate hai jise dil ko khushi milati ho. Dekho paisa kamana laga rahega. Paisa koi sath leke nahi gaya. Aur iss bhram se bhi bahar nikal jayiye, ki aap jitna jada kam karoge utna jada paisa kamavoge. Aap jitne jada productive hote hai utna jada paisa kamavoge.

Vada number 10: Apne angry young man ko jara jinda kijiye

Koi Ajay Dewakan ki Singam, Bingam wali picture dekh lijiye, South Indian imandar pulis ki picture dekh lijiye jiske baad apke andar ke harmons upar niche ho jaye. Iss sal kisi ek chij ke khilaf apna virodh darj karayiye. Aakroshit hoyiye. Mere dost mai kahena chahata hu chahe local level pe ho, chahe global elvel pe ho, chahe shahar ke collector ko ek patr likhna ho, chahe desh ke pradhan mantri ji ko ek patr likhna ho, chahe Tweet karna ho iss saal kisi galat chij ka virodh kijiye apko apke paida hone par garv ho.

Voda number 11: Koi knowledge budget jarur rakhe

Iss sal kuch training program me jarur hissa lijiye, kuch skill building program me jarur hissa lijiye, iss saal kuch aise program me ayiye jaha dreams ka nirman ho, jaha ecosystem ka mirman hota hai, jaha bhavishya dikhta hai. Dosto yadi aap behetar nahi ho rahe hai to aap kamjor ho rahe hai. Khud ko har wakt behetar banane ke bare me sochiye.

Iss sal me aisa banke dikhayiye jaise sabji ke liye namak bana he. Chahe sabji kitni bhi achi kyo na ho namak ke bina achi nahi lagti. Aap iss sal me khud ko aisa hi banayiye jaha bhi aap na ho vaha par apki kami mehesus ho. Apke bina sab kuch bekar lagne lage. Iss post ko apne dosto ke sath jarur share kijiye taki apke pyare dost jo apka khayal rakhte he wo apne bhi jindagi me kuch kasam le. Iss saal kuch behetar kar paye taki wo apko apna sachha aur bharosemand dost samje. Ye saal Bharat ke liye ek shandar saal ho jaye. Iss sal ki apko jordar badhayiya. Meri ap sabhi ko naye saal ki shubh kamnaye. Aisa behetarin, khushnasi saal ho, jaisa apke jindagi me pahale kabhi na aaya ho. Shukriya. Dhanyawad. Thank You !!!


Add a Comment

Your email address will not be published. Required fields are marked *